Pälzer Schlachtfest

Ja wenn die Pälzer Schlachtfest hann,
dann haun se uff de Buzz,
die Nachbarn bringen se ganze Joor die Reschte 
fa de Wutz - und wenn die Wutz erwachsen is,
und aussieht wie e Sau,
dann griet se vumme Metzjer enni uff de Deez gehau.

Refrain:
Nix wie druff - nix wie druff
s'kommt alles in die Supp,
nix wie druff - nix wie druff
s'kommt alles in die Supp.

De Babbe macht die Schnappsflasch uff,
de Metzjer der hat Dorscht,
dann wann der Mann ken Schnäpsje kriet,
dann krie ma a kee Worscht,
de Oba holt die Musik rin - bringt Stimmung
in de Stall - schon sucht er no seim Klowe;
der is in die Supp gefall.
 

Refrain:
Nix wie druff - nix wie druff...

Und wann die Wutz vermetzelt is,
dann werd die Worscht gewoo,
schon komme all die Nachbarn,
und fa uns is nix me do,
und jeder bringt sei Abfäll mit,
fa unser neiji Wutz - es negscht Joor,
greischt e annrie Sau
und mir haun uff die Butz.

Refrain:
Nix wie druff - nix wie druff...
 

Diesmal reinzufällig gefunden, aus ganz anderer Quelle: http://eifelundmalkunst.oyla14.de/cgi-bin/hpm_homepage.cgi

Wer das Gedicht/Lied kennt und mehr darüber weiß, wie Entstehung, Urheber oder Melodie, möge mir Bescheid geben.
Zusatzinformationen stelle ich dann gerne noch nachträglich ein.