Pälzer Buwe
Pfälzer Mundart Lied
Ich bin en echder Pälzer Bu,
de stärkscht vun unsrer Gass,
un wer die Pälzer Buwwe kennt:
Des is e edli Rass!
E Kraache un e Schleppche,
ei, des is uns viel zu dumm!
Mer fahrn de liewe lange Dag
im Chausseegrawe rum.
Unn wann zwä Pälzer Hännel han,
des is ä wahri Frääd.
E Fremder, wo voriwwer geht,
vergesst's sei Lebdach net.
Die Werter, wo do fallen
riwwer-niwwer iwwer de Disch,
die stehn jo in kämm Lexikon
die sinn jo noch ganz frisch!
Refrain:
Horsch do mol hie!
Des klingt ganz pälzerisch
holderiaho!
Voller Witz un voller Schneid
so babble do die Leit.
Vor so'rer Ausdrucksweis
hat jedermann Reschpekt!
Des is un bleibt e unverfälschder
Pälzer Dialekt!
Ei, du Bankert, ei du Schäler,
ei du Rindvieh, du Kamel,
Du bisch mer jo noch ääner,
ei, was gucksche dann so schääl?
Mei Liewer, du hasch heit jo noch kää
Kannelwasser g'sof,
wann ich dich am Schlwaittschel nemm,
dann saufsch awwer doch!
Refrain:
Horsch do mol hie!
Des klingt ganz pälzerisch
holderiaho!
Voller Witz un voller Schneid
so babble do die Leit.
Vor so'rer Ausdrucksweis
hat jedermann Reschpekt!
Des is un bleibt e unverfälschder
Pälzer Dialekt!
Zwää Buwe speilen Klickerchers
un krien minanner Krach.
"Hää! Gebb mer mol mei Klicker her,
sunscht kriesche ää uffs Dach!
Ich duh der dei Bollincher butze,
bis de Sterncher siehsch
un träät der in dei Klicker nei
bis daß de määnsch, du fliesch.
Refrain:
Horsch do mol hie!
Des klingt ganz pälzerisch
holderiaho!
Voller Witz un voller Schneid
so babble do die Leit.
Vor so'rer Ausdrucksweis
hat jedermann Reschpekt!
Des is un bleibt e unverfälschder
Pälzer Dialekt!
Etwas verspätet - aber auch dieses Mal Links mit youtube-Video:
https://www.youtube.com/watch?v=BJv0_sQDJRk&list=PLiD2_Qz-a_xUhrv9i0rQK4I7WmnbaG_Uh
https://www.youtube.com/watch?v=WtLLnkCKA2I
Eine Version "Ich bin a Pälzer Bu'"
https://www.youtube.com/watch?v=WtLLnkCKA2I
Bei der Suche im gleichen Pfad auch gefunden, aber mal ganz was anderes:
DIE PFALZ - DER RAP ZUR REGION
https://www.youtube.com/watch?v=7K0gp6v6hxQ
Wer noch eine Quelle weiß, gerne Info an mich - ich stelle sie dann gerne ein.